Amaia Elizaran eta John Kendall: Raw

Amaia Elizaran eta John Kendall dantzariek Raw lana aurkeztuko dute Tolosako Topic aretoan. 2015eko abenduan Topic bertan egindako egonaldi artistiko batetik sortutako work in progress lan bat da taularatuko dutena. Contact dantzan oinarritutako lana da, eta mugimendu arriskutsuak ikertu dituzte, sentikortasunari muzin egin gabe.

Bikoteko lana, contact teknikaren bidez, sentikortasunari kontrajarritako mugimendu arriskutsuakikertzen dituena. Norbera beste pertsona batek baldintzatzen duenean, dagoeneko bere burua zaintzeko gai ez denean... Nola jokatzen du beste indibiduoak? Ondoan izango du sustengatzeko? Une batean, bataren eta bestearen mugak hedatzen dira, estetikak forma galtzen duen puntu batean. Anbiguotasuna estalian dago, gorputzak batzen eta mimetizatzen dituen proposamen honetan, eta bataren zentzua besteak dauka.