Dokumentuaren akzioak
Akram Khan: Kaash
Akram Khan dantza konpainiak Kaash lana eskainiko du. Khan bere belaunaldiko koreografo ezagunenetako bat da. Bangladesheko jatorria duen familia batean jaio zen Londresen, eta bere lanarekin dantza garaikidearen eta Indiako Kathak dantza tradizionalaren arteko zubiak eraiki nahi ditu.
Kaash ikuskizuna sortzeko Akram Khan koreografoak bi artista ezagun hartu ditu lagun: Nitin Sawhney konpositorea eta Anish Kapoor eskultorea. Kaash (“balitz”, hindieraz) dantza-ikuskizun bat da, zeinetan hots egiten zaien ezaugarri sinboliko eta erritmiko zahar-zaharrez hornitutako Ganesh, Krishna eta Shiva jainko hinduei. Koreografia lan honen egiturak zerikusi handia dauka musika hinduaren musika-ziklo tradizionalekin. Sorkuntza eta errausketa dira bost dantzarirentzako lan honen abiapuntua.
- Koreografoa: Akram Khan
- Dantzariak: Kristina Alleyne, Sadé Alleyne, Sung Hoon Kim, Nicola Monaco, Sarah Cerneaux
Dokumentuaren akzioak