Agenda

Korpus-dantzak

Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez.

Igandea egun handia den arren, hona hemen 3 egunetako egitaraua:

Ekainak 9 ostirala

• 09:00 Korpus-dantzak herriko ikastetxeetan. Ondoren, goizez eta arratsaldez, aspaldiko ohiturari jarraituz herriko auzoetan ibiliko dira.
• 16:30 Oñatz dantza-taldearen ekitaldia Kasablanka, Ugarkalde eta San Martin auzoetan, txistulariek lagunduta

Ekainak 10 larunbata

• 09:00 Oñatz dantza taldearen emanaldiaren hasiera, Foruen enparantzan. Ondoren, herriko kaleetan ibiliko dira txistulariek lagunduta egun osoan zehar.

Ekainak 11 igandea

• 9:00 Txistularien goiz-eresia.
• 10:45 San Migelen irudia San Migel parrokiara iritsiko da.
• 11:00 Meza nagusia Oñatz dantza taldeko dantzariekin. Mezaren ondoren Korpus prozesioa.
• 18:15 Oñatz dantza taldearen emanaldia Foruen enparantzan, txistulariek lagunduta. Korpus eguneko dantza-egitarau osoa eskainiko da (eguraldi txarra eginez gero, Zubikoa kiroldegian)
• 19:00-20:00 Dantzaldia musika bandarekin, San Migel parrokiko atarian. Eguraldi txarra egiten badu bertan behera geldituko da.

Oñati: Korpus eguna 2014 [Bideoa]

Gehiago irakurri

Dantza Kalean

*Dantzaren Hilabetea 2024 egitarauaren barruan.

Gehiago irakurri

Lasala: Shine

Zertan sinetsi, gure XXI. mendeko hutsunea baretzen saiatzeko?

Autoesklabotzaren ereduaren bitartez, Shinek gorputzaren objektualizazioa, hedonismoarekiko adikzioa, epelaburtasuna eta ihesbidearen bilaketa etengabea lantzen ditu.

Erritu etsia, galdutako fedearen bila.

Nola egin dezakegu distira, jada gure buruarengan sinesten ez badugu?

Shine antzezlanak estasia eta gorputzaren martirioa ikertzen ditu. Martirio hori zaharkitutako elementutzat du bizi garen gizarte turbokapitalista honetan. Tekno musikaren zalaparta burrunbatsuak eta zertan sinetsi bilatzen dutenen saetek zoratuta, zortzi gorputz estasiaren arrakastapera erortzen dira -estasia funtsezko droga baita enpatiarik gabeko munduan ibiltzeko- eta gure orainak zuzendutako koreografia lantzen dute: erritual berriak, zenbait kultu grinatsu eta asmatutako erlijioak hartu beharra.

Shinek gure gizarte-linboa irudikatu nahi du, non gure espiritualtasuna zehazten saiatzen baikara dena-segituan-orain diktamen horri jarraiki. Antzezleek ziklotimia dantzatzen dute, iraganetik datorren depresioak eta etorkizunetik etorriko den antsietateak txikituta. Fede bila ari dira, baina, ilargi betearekin gertatu bezala, mugikorrek ezin diote hari argazkirik atera.

Dantzatzeko aukera da, zaurien modura gutako bakoitzaren bularrean ezarri den hutsunea dantzatzeko aukera. Gure buruari jarri diogun arantza-koroak galdutako distira topatzeko azken itxaropena.

• Zuzendaritza: Judith Argomaniz.
• Dramaturgia: Fernando Epelde.
• Interpreteak: Garazi Etxaburu, Leire Otamendi, Jone Amezaga, Seth Buckley, Ioar Labat, Puy Barral, Ángela Arrieta, Mikel Casal.
• Ahotsa eta testua: Puy Barral.
• Musika sorkuntza: Fernando Epelde.
• Jantzien diseinua eta gauzatzea: Xabier Mujika.
• Argien diseinua: Javier Ruíz de Alegría.
• Eszenografia diseinua: Ikerne Gimenez.
• Argazkiak eta bideoa: Renata L. ETANOWSKI.
• Ekoizpena: Marina Camacho.
• Banaketa: Emilia Yagüe Producciones.
• Komunikazioa: Nerea Kortabitarte.

Gehiago irakurri

Natalia García Muro: El Espacio de los límites

*2024ko BLV Art jaialdiaren barruan.

Nire gorputzeko txoko batzuk ez ditut ezagutzen oraindik, deskubritzen ari naizen espazio infinituak ditut. Tenkatzen dira, askatzen dira, malguak eta moldakorrak dira, adierazkorrak dira. Espazio bat dago nire gorputzaren eta nire inguruaren artean, arnasten duen eta nire dantzarekin mintzo den espazio bat”.

Iraupena: 20´
Adin guztietarako

Gehiago irakurri

Input: El arte de no ser

*2024ko BLV Art jaialdiaren barruan.

Zirriborro poetiko bat, gorputzaren bidaia bat mendekotasunaren bizipenari buruz. Hustasunean barrena, izakiaren aldartea zipriztintzen duten isiltasuna, automatismoa, estresa, antsietatea, emozioak eta sentsazioak igaroz. Pertsonaia bat eta objetu bat, telefonoa, eta mundu oso bat aurrean, non halabeharrez lotzen diren existentzia eta beharra.

Iraupena: 30´
Adin guztietarako

Gehiago irakurri

Sharon Fridman: Go Figure

Bikote honek bi gorputz ezberdin aurkitzea ahalbidetzen du, bakoitza bere eguneroko mugimenduarekin oso modu ezberdinean bizi delarik.

Bi dantzarik, Tomer Navotek eta distonia egoera fisiko-neurologikoarekin bizi den Shmuel Dvir Cohenek, euren artean sortutako harremanari eutsiko diote, non indarra, tentsioak, mendekotasuna eta pisua erabakigarriak izango diren, eta aldi bakoitzean forma berriekin diseinatuko dute.

Aurkituko al dute bilatzen dutena: formaren eta emozioaren arteko oreka?

• Zuzendaritza eta koreografia: Sharon Fridman.

• Zuzendaritzako laguntzailea eta ekoizpena: Tamar Mayzlish.

• Dantzariak: Shmuel Dvir Cohen, Tomer Navot.

• Musika: Noam Helfer.

• Argiztapenaren diseinua: Yaron Abulafia, Sharon Fridman.

• Jantzien diseinua: Miki Avni.

• Banaketa: Lola Ortiz de Lanzagorta (New Dance Management).

Gehiago irakurri

Dantzaz: Distirak

Dantzaz taldeak dantza-bidaia zirraragarri bat egitera gonbidatzen zaitu, hiru geldialdi paregaberekin, bakoitza artista ezberdinek gidatuta. Eszenatokiaren zirrikituetatik pop koloreen eztandaraino, eta naurarekiko loturaraino, obra bakoitza mundu apartetarako leiho bat da.

DISTIRAK dantza garaikidearen aniztasuna ospatzen du, freskotasuna eta kolore bibratzaileak uztartuz, publikoarekin oso lotura berezia sortzeko.

• Zuzendaritza Nagusia: Fernando Sáenz de Ugarte.

• Zuzendaria artistikoa: Adriana Pous.

• Koreografia: Giovanni Insaudo, Alexandros Stavropoulos, Sarada Sarita.

• Dantzariak: Estebe Abrisketa, Nerea Bakero, Mariona Carrasco, Margot Castro, Efren Colomer Pérez, Filippo Cosso, Inês Costa,Clara Esteban, Alissa Kouzmenkov, Lele Mazzella, Maitane Picabea, Iñigo Rementeria, Ricardo Vásquez Allen

Gehiago irakurri

Hegalka: Oroitu

Hegalka dantza taldearen ikusgarria.

Gehiago irakurri

Maskaradak 2024

Urtarrilaren 21ean hasi eta apirilaren 27an bukatuko dira 2024ko maskaradak, Pagolako herritarrek emanak. Guztira 15 emanaldi izango dira urtarriletik apirilera astebururo. Ohitura den moduan lehena eta azkena antolatzaileen herrian izango dira, Pagolan, eta beste 12 herri bisitatuko dituzte, Zuberoako 11 herri eta baita Nafarroa Behereko Donaixti ere.

Maskaradak 2024 Egutegia

• Urtarrilak 21, igandea: Pagola

• Urtarrilak 27, larunbata: Ezpeize > Urtarrilak 28, igandea: Ezpeize

• Otsailak 4, igandea: Iruri Otsailak 3, larunbata: Maule-Lextarre

• Otsailak 11, igandea: Maule-Lextarre > Otsailak 11, igandea: Iruri

• Otsailak 17, larunbata: Gamere-Zihiga

• Otsailak 24, larunbata: Muskildi

• Martxoak 2, larunbata: Donaixti

• Martxoak 10, igandea: Ligi-Atherei

• Martxoak 17, igandea: Idauze

• Martxoak 23, larunbata: Aloze

• Martxoak 31, igandea: Barkoxe

• Apirilak 7, igandea: Larraine

• Apirilak 14, igandea: Urdiñarbe

• Apirilak 21, igandea: Lakarri-Altzai

• Apirilak 27, larunbata: Pagola

Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.

Gehiago irakurri

Kontxako baranda

1997an lehen aldiz egin zenetik, ezinbesteko hitzordua bihurtu da Kontxako Barandako barra klasikoko erakustaldia, baita Dantza Hilabetearen barne dauden jarduera ospetsuenetariko bat ere. Ikasle eta irakasleek kalera aterako  dute ohiko barra-ikastaldia.

Guztira, 31 irakasleren 1476 ikaslek parte hartuko dute Gipuzkoako (Andoain, Astigarraga, Donostia, Hondarrribia, Irun, Pasai Antxo, Errenteria eta Tolosa) eta Bizkaiko (Ondarroa eta Lekeitio) 26 dantza eskolatakoak.

• 11:00 - 11:30, Txikien Barra, Nautiko klubetik Cafe de la Concharaino.

• 11:50 - 12:20, Ertainen Barra leku berean.

• 12:45 - 13:30, Nagusien Barra Nautiko klubetik Antiguoko tunelera arte.

Gehiago irakurri