Edukira salto egin | Salto egin nabigazioara

Tresna pertsonalak
Hemen zaude: Hasiera Agenda

Dokumentuaren akzioak

Agenda

Hitzaldi-kontzertua: Kepa Pinedo

Hitzaldi-kontzertua: Kepa Pinedo

Noiz: 2018/12/14 19:00
Non: Gasteiz, Artium - Auditorioa

Kepa Pinedo musikari gasteiztarrak hitzaldi-kontzertua eskainiko du. XIX-XX mendeetan Araia, Zalduondo eta Aguraingo herrietan, txistuarekin eginiko dantza publikoa aztertuko du. Kepa Pinedok musikaren ikerketan hainbat lan egin ditu, batez ere, Arabako Ekialdeko Lautadako eskualdean oinarrituta. 

Gehiago irakurri

Ortzadarren XXXIII Folklore Jardunaldiak

Ortzadarren XXXIII Folklore Jardunaldiak

Noiz: 2018/12/14 19:30
Non: Iruñea, Ortzadar kulturgunea

1978ko udaberrian, aurreko neguan Nafarroako Erriberako hainbat herritan egindako paloteauei buruzko ikerketan oinarritua, Ortzadar Elkarteak “Erribera” ikuskizuna aurkeztu zuen,. Ikerketa-kanpaina horren ondorioz, Murchanteko makil dantzak berreskuratu ziren eta Corellako bat ere. Paloteauak Erriberako antzerki-adierazpenak eta koreografiak dira eta XIX. mendearen amaieratik XX. mendearen hasierarako tartean desagertu ziren. izan ere,  1978. urte hartan bizirik mantentzen zen bakarra Cortesko Paloteaua zen. Urte horretan bertan, Lourdes auzoko San Joan Paloteatua aurkeztu zen Tuteran, galdutako paloteoak berreskuratzeari hasiera ematen eta beste haien berririk ez zeukaten herrietan tradizio berriak, paloteau berriak sortuz. Ondorengo urteetan paloteau olde honi hainbat herri batu ziren: Fustiñana, Cabanillas, Fontellas, Ablitas … eta, berrogeita hamargarren urteurren honetan, Tuterako paloteatu berria, San Pedroko Paloteaua.

Folklore Jardunaldien edizio honen helburua eskualde bat eraldatu duen fenomeno horretan murgiltzea da; dantza tradizionalaren mundutik at zegoen eskualde hori dantza tradizional berrien indargunea bilakatu baita. Era askotako elkarteek, kasu batzuetan udalen lankidetzarekin, paloteauak sortu eta plazaratu dituzte, kultur adierazpen eta kritika politiko gisa, baina baita ere nortasuna adierazteko tresna bezala. Horretarako, koreografo eta musikarien laguntza izan dute; baita bere herrikideen konplizitatea ere, bertso eta dantza adierazpen hau egiteko. Paloteau berrien aldeko apustuak ukaezinezko arrakasta izan du, baina egindako bidea ez da beti erraza izan. Horregatik guztiagatik, mugimendu honen genesian sakontzen saiatuko gara aurtengo Jardunaldietan, Paloteaua berreskuratzeko edota berriak sortzeko erabakiaren atzean izan diren arrazoiak identifikatzen saiatzeko; koreografien eta melodien nondik norakoak, inspirazio iturriak, ezagutzeko; Paloteau talde ezberdinen dinamikak eta dantza-maisuekin dauzkaten harremanen berri izateko; Dantza-maisu berri hauen fenomenoan sakontzeko… Xedea paloteau berrien, dantza eta musika berrien tokian tokiko errotzea eta bere hedapen azkarra ulertzea da.

Gehiago irakurri

Aukeran: 20 urte

Aukeran: 20 urte

Noiz: 2018/12/14 20:30
Non: Tolosa, Leidor aretoa

Aukeran Dantza Konpainiak bere 20. urteurrena ospatuko du ikuskizun berri bat prestatuz. Horretan, begirada berri bat emango die bere azken obretako pieza ezagunenei. Ainhoa Aierbe eta Mixel Ducau eszena eta musika zuzendariekin batera, proposamen eszenikoa eskainiko dute.

  • Zuzendaritza: Edu Muruamendiaraz
  • Eszena zuzendaritza: Ainhoa Aierbe
  • Musika zuzendaritza: Mixel Ducau
  • Argiztapen diseinua: Carlos Solano
  • Soinua: Unai Mimenza
  • Zuzendari laguntzailea: Eli Alberdi
  • Dantzariak: Ane Anza, Garazi Egiguren, Ander Errasti, Ioritz Galarraga, Eneko Galdós, Ione Iriarte, Ekain Kazabon, Oier Laborde, Olatz Oribe, Uxue Urruzola, Itziar Uzkudun, Agustín Martínez
  • Musikariak: Mixel Ducau, Iñigo Egia, Xabi Solano, Xabier Zeberio
  • Jantzien diseinua: Óscar Armendáriz
  • Aukeran 20 urte kartela: Jesus Mari Lazkano

Gehiago irakurri

Ispili-erronkak dantza-jardunaldia

Ispili-erronkak dantza-jardunaldia

Noiz: 2018/12/15 11:00
Non: Donostia, San Telmo Museoa

Ispilu-erronkak gerora begirako gogoeta kritikorako dantza-jardunaldia da, dantza inguruan erreflexiorako proposamen bat. Sektorea aztergai, askotariko eragileen eskutik.

Hizlariak:

  • Mari Karmen Gil Fombellida (Donostiako Arte Eszenikoen Tailerra)
  • Iratxe de Arantzibia (Kazetaria eta Dantza kritikaria)
  • Fernando Sáenz de Ugarte (Dantzagunea)
  • Xabier Mendizabal (Gipuzkoako Dantzarien Biltzarra)
  • Oier Araolaza (Dantzan.eus)
  • Alex Aginagalde (Etxepare Euskal Institutua)

Moderatzailea: Garbiñe Barrenetxea (Kresala Dantza Taldea)

Amaiera: Virginia Imaz - “Clownclusioak” (Oihulari klown)

San Telmo Museoa. Ekitaldi aretoa. Euskara eta gaztelania aldibereko itzulpenarekin.
Sarrera librea lekuak bete arte.

Esku-orria: Ispilu-erronkak (pdf)

Gehiago irakurri

Bufalodre kontzertua

Bufalodre kontzertua

Noiz: 2018/12/15 20:00
Non: Iruñea, Ortzadar kulturgunea

Gehiago irakurri

Herrixa Dantzan zuzenean

Herrixa Dantzan zuzenean

Noiz: 2018/12/23 12:30
Non: Arrasate, Seber Altube plaza

Santamasetako jai egitarauaren barruan, dantzaldia Jainaga eta Narbaizaren zuzeneko musikaz, Patxi Monterok gidatuta. Lotuan, soltean, sokan, jauziak, kontradantzak, joko-dantzak... herritarrek elkarrekin dantzan ondo pasatzeko. Euria bada, azoka plazan. Antolatzaileak: Santamas komisiñua eta Portaloi elkartea.

Gehiago irakurri

P'tit bal trad

P'tit bal trad

Noiz: 2019/01/06 18:00
Non: Ahetze, Denen Xokoa gela

Aniez Perez-ek sustatuta, dantzak praktikatzeko saio gidatuak hilero. 

Helburua: Frantzian zehar hain hedatua dagoen bal-trad deritzon eredua Iparraldean sustatzea, eta hauetan ohiko diren dantzak ezagutu eta praktikatzeko aukera ematea: scottish, mazurka, balts irregularrak... eta Frantziako eskualde ezberdinetako tradiziozko herri-dantzak (Biarno, Gaskoina, Okzitania, Aubernia, Bretainia...). 

  • Non: Denen Xokoa gela, Ahetze (Lapurdi). Dantzarako zola duen gela handia. Ekarri dantzarako oinetakoak!
  • Noiz: hilean behin
  • Ordutegia: 18.00etan dantza bat ezagutzeko hastapeneko saioa / 18.30-20.15 p'tit bal trad (dantzaldia)
  • Sarrera: 5€

Gehiago irakurri

Dokumentuaren akzioak

« Apirila 2018 »
Apirila
AlAsAzOgOrLrIg
1
2345678
9101112131415
16171819202122
23242526272829
30
« Maiatza 2018 »
Maiatza
AlAsAzOgOrLrIg
123456
78910111213
14151617181920
21222324252627
28293031
« Ekaina 2018 »
Ekaina
AlAsAzOgOrLrIg
123
45678910
11121314151617
18192021222324
252627282930