Agenda

Korpus-dantzak

Noiz: 2023/07/09 09:00 ${linebreak} 2024/05/31 23:55
Non: Oñati

Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez.

Igandea egun handia den arren, hona hemen 3 egunetako egitaraua:

Ekainak 9 ostirala

09:00 Korpus-dantzak herriko ikastetxeetan. Ondoren, goizez eta arratsaldez, aspaldiko ohiturari jarraituz herriko auzoetan ibiliko dira.
16:30 Oñatz dantza-taldearen ekitaldia Kasablanka, Ugarkalde eta San Martin auzoetan, txistulariek lagunduta

Ekainak 10 larunbata

09:00 Oñatz dantza taldearen emanaldiaren hasiera, Foruen enparantzan. Ondoren, herriko kaleetan ibiliko dira txistulariek lagunduta egun osoan zehar.

Ekainak 11 igandea

9:00 Txistularien goiz-eresia.
10:45 San Migelen irudia San Migel parrokiara iritsiko da.
11:00 Meza nagusia Oñatz dantza taldeko dantzariekin. Mezaren ondoren Korpus prozesioa.
18:15 Oñatz dantza taldearen emanaldia Foruen enparantzan, txistulariek lagunduta. Korpus eguneko dantza-egitarau osoa eskainiko da (eguraldi txarra eginez gero, Zubikoa kiroldegian)
19:00-20:00 Dantzaldia musika bandarekin, San Migel parrokiko atarian. Eguraldi txarra egiten badu bertan behera geldituko da.

Oñati: Korpus eguna 2014 [Bideoa]

Gehiago irakurri

Led Silhouette: Halley

Noiz: 2024/04/25 19:00
Non: Bilbo, Azkuna Zentroa

2022an Gayarre Antzokian "Los perros" estreinatu ondoren, Led Silhouette dantza garaikideko konpainia lesakarra Iruñeko koliseora dator ekoizpen berria estreinatzeko. Ezin hobea litzateke ‘Halley’ disekzio-prozesu milimetratu batetik sortu dela ziurtatzea, baina egia esan kolapso batetik eratu da. Gizakiaren esperientziak eta galdera handiak dira, antzinatik aldatzen ez direnak, eztabaidatzen direnak eta proiektu honetarako elikagai poetiko gisa balio dutenak. Kometek bezala, orbitan biratzen duten erresonantzia sakonak dituzten galderak, aldiro berriro agertzen direnak dena iraultzeko.

“Halley” epopeia garaikide bat da, kometa berriro pasa aurretik antolatzeko erronkari aurre egin behar dion talde baten karrera desesperatua. Kargak daramatzaten pertsonaiak, bide bat egiteko dutenak eta zorionetik bereizten dituzten ustekabeak eta akatsak gainditu nahi dituztenak. Ilusioa ez delako jaten, baina elikatu egiten duelako. Nahi duten guztitik inoiz ezer ematen ez dien espazioko itxialdia da, hutsegite horregatik, amaigabeko desira horregatik, pitzadura bilatu eta zuloa irekitzera bultzatzen dituenak.

‘Halley’ zalantza eta bilaketa ere bada, beti erantzun bat aurkitzeko eta galdera guztiei irtenbidea emateko saiakera. Arnasa hori larritasun une batean izan nahi du, oraina ulertzeko eta etorkizuna aurreikusteko aukera emango duen sentiberatasunaren adierazpen.

Fitxa artistikoa

Kontzeptua eta zuzendaritza: Jon López, Martxel Rodriguez.

Antzezleak: Katalin Arana, Lucía Burguete, Marina Fulana, Laura Lliteras, Marcos Martincano, Nicolás Martínez, Edoardo Ramírez, Diego Pazó.

Testua: Gaizka Sarasola.

Musika moldaketak: Ibai Gogortza.

Eszenografia: David Pascual.

Jantzitegia: Iñaki Cobos.

Argiztapena: Andoni Mendizabal.

Gehiago irakurri

Ballet Theater Pforzheim: Mugimendua oroimenean

Noiz: 2024/04/25 19:00
Non: Gernika-Lumo, Lizeo Antzokia

Bonbardaketaren 87. urtemugaren ospakizunaren kariaz, Gernika-Lumoko Udalak Pforzheim herri adiskidetuko balleta (Tanz Theatre Pforzheim) gonbidatu du programa kulturalean parte hartzera, bere sorkuntza-lan batez, datorren apirilaren 25ean.

Obrak bi zati ditu. Alde batetik, Guido Markowitzek zuzendutako bi dueto, atxikimendu-sentimenduei, pertsona maitatuei eta oroimenaren garrantziari buruzkoak; eta, bestetik, “RauschBoléro” pieza: beraren lehenengo zatia Maurice Ravelen 1928ko “Boléro”an oinarritzen da, eta beraren ezaugarri nagusia da etengabeko errepikapen bat duela eta bere tinbrea aldatuz doala, gelditu barik aurrera doan crescendo batez; bigarren zatian, hots, Rita Aozane Bilibio eta Damian Gmürren “Boléro”an, borroka-mugimenduak eta muturreko sentimenduak irudikatzen dira.

Mar Rodríguez Valverde koreografoaren lanak askotariko esperientzia eta adierazpen kulturalekin zuzenean esperimentatzea ahalbidetzen die dantzariei.

Gehiago irakurri

Macarena Recuerda Sheperd: Gauza. Gorputz batean esku hartzea

Noiz: 2024/04/26 18:00
Non: Donostia, Tabakalera

"Gauza" da ILUSIONISMOARI buruzko Macarena Recuerda Sheperd-en trilogia ixten duen pieza. Ikerketa horrek pentsarazi dio ilusioa nola uztartzen den antzerkiaren esentziarekin, eszenaren gainean konbentzioa eta magia, errealitatea eta bere bikoitza, ekintza eta fikzioa azalduz. 2017an hasi zuen ikerketatik sortu dira AY! Bai! (2018) gorputzetik pentsatutako pertzepzio-irudiei buruzko ikerketa eta “The Watching Machine” (2020) argitik, itzaletik eta islatik pentsatutako pertzepzio-irudiei buruzko ikerketa

Oraingo honetan, «Gauza. Gorputz batean esku hartzea», irudi pertzeptiboak eszenografikotik ikertzen ditugu. Horretarako, gorputza beste material bat bezala pentsatu dugu, atrezzo bihurtu arte.

"Gauza" dantza pieza bat da, dantza gorputz objektibo batez osatua.

Gauzen koreografia.

Gehiago irakurri

Jone Amezaga + Manu Gaigne: Remedios Vals

Noiz: 2024/04/26 19:00
Non: Donostia, Tabakalera

Helburua disziplinartekotasunaren inguruan lan egitea da, disziplina artistiko bakoitzak elkarrekin sortzeko dituen modu ezberdinak ikertuz eta gorpuztuz. Hizkuntza eszeniko amankomun baten bilaketa da eta bidea egiteko modua. Ideia guzti horietatik material zehatz bati ahalik eta etekin gehien atera nahian, gure lehen lana sortu dugu.

Iraupena: 14 minutu
Sormena eta interpretazioa: Manu Gaigne, Jone Amezaga
Argazkiak eta bideoa: Etanowski
Erakunde laguntzaileak: Gipuzkoako Dantzagunea, Garaion Sorgingunea, Azala Kreazio Espazioa, Lizartzako Udala

Gehiago irakurri

Led Silhouette: Zakurrak

Noiz: 2024/04/26 20:00
Non: Zarautz, Modelo

Zakurrak proposamen bat da, errepikapenaren hersturatik irudien segidaren lilurara doana. Irudiak: iraganetik ebatsiak eta biharrera boteak; oraingoak, eta iraganaz lerdatuak; plastika garaikidetik zaharkitutako formara, lurrekora, denbora eta hizkuntzen nahas-mahas atergabean.Dantza grinatsu baten erakusketa, bere zentzurik behinena errepikapenean eta katarsian aurkitzen duena: lehertu arte dantzatu, abaildu arte zaunka egin, akitu arte bizi. Norbera aurkitzeko, bere buruaren isla bestearengan ikusten duen gizakiaren kontakizuna. Bi gizon besarkatuak.Bi gizon dantzan, dena bukatu eta dena berriro jaio arte

Gehiago irakurri

Myriam Perez: Nunavut

Noiz: 2024/04/26 20:00
Non: Tolosa, Leidor Aretoa

Noiz utzi genion haurrak izateari? Noizbait utzi al diogu? Noizbait utziko al diogu?

NUNAVUT behin izan gineneko lurraldea da, denbora izozturik mantentzen denekoa, glaziarrek betirako irauten dutenekoa.

Bertan ikasi genuen zuhaitzetatik zintzilikatzen, zuhaitzik gabeko eremuan. Bertan jaso genuen piztiaren besarkada. Bertan ziren aske, haizeak korapilaturiko gureadatsak.

Ahazturatik berreskuratuko al dugu, noizbehinka bertara itzultzeko bidea…?

FITXA ARTISTIKOA

Ideia, zuzendaritza, koreografia: Myriam Perez Cazabon
Dantzariak: Leire Otamend, Oihana Vesga
Musika: Ander Fernandez
Dramaturgia, kanpo begirada: Bertha Bermudez
Jantziak: Clara Virgili
Argazkiak: Nagore Legarreta
Bideo irudiak: Kensa produkzioak

Gehiago irakurri

Maskaradak 2024

Noiz: 2024/04/27 09:00
Non: Pagola

Urtarrilaren 21ean hasi eta apirilaren 27an bukatuko dira 2024ko maskaradak, Pagolako herritarrek emanak. Guztira 15 emanaldi izango dira urtarriletik apirilera astebururo. Ohitura den moduan lehena eta azkena antolatzaileen herrian izango dira, Pagolan, eta beste 12 herri bisitatuko dituzte, Zuberoako 11 herri eta baita Nafarroa Behereko Donaixti ere.

Maskaradak 2024 Egutegia

Urtarrilak 21, igandea: Pagola

Urtarrilak ~~27, larunbata~~: Ezpeize > Urtarrilak 28, igandea: Ezpeize

Otsailak ~~4, igandea: Iruri~~ Otsailak 3, larunbata: Maule-Lextarre

Otsailak 11, igandea: ~~Maule-Lextarre~~ > Otsailak 11, igandea: Iruri

Otsailak 17, larunbata: Gamere-Zihiga

Otsailak 24, larunbata: Muskildi

Martxoak 2, larunbata: Donaixti

Martxoak 10, igandea: Ligi-Atherei

Martxoak 17, igandea: Idauze

Martxoak 23, larunbata: Aloze

Martxoak 31, igandea: Barkoxe

Apirilak 7, igandea: Larraine

Apirilak 14, igandea: Urdiñarbe

Apirilak 21, igandea: Lakarri-Altzai

Apirilak 27, larunbata: Pagola

Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.

Gehiago irakurri

Elirale: Mamuka

Noiz: 2024/04/27 12:00
Non: Iruñea, Mendillorriko Civivox-a

Bere sorkuntza berrian, Pantxika Telleria oihaneko unibertso ezkutuan inspiratu da. Bere biztanleak senari jarraitzen diote, lurraren kolore, usain eta baita urtaro-aldaketa nekaezinen ondorioei esker ere. Batean sustraia, bestean intsektu-gorputza, animalia zein izaki-gorputza, dantzari bikoteak ekibokoa, irrealtasuna taularatzen du, Vivaldi-ren Lau urtaroekin lotuta. Zentzumenak desbideratu egiten dira, natura beste ikuspegi batetik hautemateko.