Edukira salto egin | Salto egin nabigazioara

Tresna pertsonalak
Hemen zaude: Hasiera Agenda

Dokumentuaren akzioak

Agenda

Hitzaldia: Inauteriak Euskal Herrian gaur egun

Hitzaldia: Inauteriak Euskal Herrian gaur egun

Noiz: 2019/02/21 18:30
Non: Ibarra, Galtzaundi taberna

Aitzpea Leizaola antropologoa eta EHUko irakaslea izango da Galtzaundi tabernan otsailaren 21ean 18:30ean, ‘Mozorroaz haratago. Inauteriak Euskal Herrian gaur egun’ hitzaldia eskainiz.

Aitzpea Leizaola Egaña 1971an jaio zen Donostian eta 2004 eta 2005 urte artean Udako Euskal Unibertsitateko zuzendaria izan zen. Antropologia Sozialean doktorea da eta Aranzadi Zientzia Elkarteko Etnografia Departamenduko partaide ere bada. Bere iker lerroetako bat dira euskal inauteriak eta hauen aldaketa, eta justu, horren inguruan jardungo du osteguneko hitzorduan.

Gehiago irakurri

MDV Danza eta Mikel del Valle: Agate Deuna

MDV Danza eta Mikel del Valle: Agate Deuna

Noiz: 2019/02/21 19:30
Non: Bilbo, Arriaga antzokia

 

“Agate Deunaren” historia abiapuntutzat hartu eta minbiziaren ondorioz bularra galdu duten emakumeen sufrimenduari buruzko lana eskainiko da. Rolak, minak, gaitzak, indarra, sufrimendua, ausardia, gizartea…

Mikel del Vallek eta MDV DANZA konpainiak teknologia berriak, musika originala eta Miren de Miguel sopranoaren zuzeneko ahotsa erabiliko dituzte ikuskizunean. Euskaraz errezitatu eta abestutako testuak.

  • Zuzendaritza eta Koreografia: Mikel del Valle
  • Eszenografia: Ricardo Sânchez Cuerda
  • Musika: Julio D'escrivan
  • Textua eta Ahotsa: Miren de Miguel
  • Jantziak: Marta Otazu
  • Bisuzlak: Mauri Martín Marin
  • Argitzapena: Serri Yurrebaso
  • Dantzariak: Paloma Calderón, Jose Ruiz, Claudia Bosch, Daniel Martínez, Laura García, Mikel del Valle

Gehiago irakurri

Malandain Ballet  Biarritz: Croissant, plié eta relevé

Malandain Ballet Biarritz: Croissant, plié eta relevé

Noiz: 2019/02/21 20:00
Non: Bilbo, Euskalduna Jauregia

Berriz itzuli da dantza

Euskadiko Orkestra Sinfonikoaren programazioan kolaboratuko du beste behin Malandain Ballet Biarritz konpainiak.

Azken urteotan, fruitu ahaztezinak eman ditu, adibidez, Errauskine edo Ederra eta piztia. Oraingoan, beste emakumezko pertsonaia baten historia bisitatu dugu: Marie Antoinette. Thierry Malandainen koreografia du eta, horretarako, Joseph Haydnen lau lan hartu ditu musika-oinarri:  6, 7 eta 8. sinfonia goiztiarrak, ezizenez “Goiza”, “Eguerdia” eta “Arratsaldea” hurrenez hurren, baita 73. Sinfonia, “Ehiza” deitua. 

  • Zuzendaria: Mélanie Levy-Thiébaut
  • Musikariak: Euskadiko Orkestra Sinfonikoa
  • Dantzariak: Malandain Ballet Biarritz 
  • Koreografoa: Thierry Malandain
  • “Marie Antoinette”

    J.Haydn

    Sinfonía nº6 [24′]

    Sinfonía nº7 [21′]

    Sinfonía nº8 [23′]

    Sinfonía nº73 (Presto) [5′]

Gehiago irakurri

Puska biltzea

Puska biltzea

Noiz: 2019/02/22 10:00
Non: Igantzi

Igantziko gazteak puska biltzean aterako dira herriko etxe eta baserriak trikiti eta pandero doinuekin alaituz. Goizeko 10etan herriko elkartean bildu eta egun osoan arituko dira puskak biltzen berriro ere iluntzean elkartera bueltatu eta afaltzeko. 

 

 

 

Gehiago irakurri

Zirtzilen gaua

Zirtzilen gaua

Noiz: 2019/02/22 19:00
Non: Baiona

Zirtzilak Baiona hartuko dute eta zirtzilen gaua ospatuko dute eta eskean arituko dira. Abiatzea Espainiako Atetik izanen da arratsaldeko 19:00etan.

Gehiago irakurri

Korrotik pikutara: Euskal dantzaren historia bat dantzaren bidez kontatua

Korrotik pikutara: Euskal dantzaren historia bat dantzaren bidez kontatua

Noiz: 2019/02/22 20:00
Non: Gasteiz, Oihaneder

SOKA, euskal dantzaren urratsetan erakusketaren testuinguruan, Gari Otamendik eta Oier Araolazak euskal dantzaren historia bat kontatu eta gorpuztuko dute,  hitzaldi-dantzatu moduan aurkezten den ekitaldi honetan. Dantza molde zaharretatik gaur egungo dantza formetara egindako bideari erreparatuko diote: korroan, borobilean hasi, eta dantzak nola joan diren aldatzen erakutsiko dute, soka-dantza, ingurutxo eta kontra-dantzetatik pasaz, bikote dantzetara iritsi eta azkenik norbanako bihurtu arte. Taldetik indibidualera, borobiletik dispertsiora, korrotik pikutara joan omen dira aldatzen gure ohiko dantzak. Ibilbide hori hitzez eta dantzaz aurkezten dute, historia kontatu eta dantzatu bat beraz.

Gari Otamendi dantzaria eta musikaria da. Añorgako Arkaitz eta Donostiako Argia dantza taldeetako dantzaria da, Dantzan.eus-ko kidea da, Gipuzkoako Dantzagunean egiten du lan, eta hainbat musika, bertso eta dantza talderekin jotzen du arrabita. Estreinatu berri den Dantza filmako protagonistetako bat da.

Oier Araolaza Haritz taldean ikasi zuen zenbait urtez, eta gaur egun Kezka eta Argia taldeetan aritzen da. Dantzan.eus webguneko editorea ere bada, baita Euskal dantza liburuaren egilea ere (Etxepare, 2012). 2010etik Kulturaren Euskal Kontseiluko kidea da eta gaur egun, EHUko ikerlaria da; dantza eta generoari buruzko tesia egiten ari da. Estreinatu berri den Dantza filman parte hartu du.

Gehiago irakurri

Puska biltzea eta inauteri dantzak

Puska biltzea eta inauteri dantzak

Noiz: 2019/02/23 07:00
Non: Lizartza

Inaute larunbata baino astebete lehenago ospatzen dute inauteria Lizartzan. Asteburu osoan zehar kuestazioan aritzen dira dantzan. 

Larunbatean, goizean goiz hasi ohi dute kuestazioa. 7:00tan plazan elkartzen dira eta kalejira Uetako zubitik dantzari, txantxo eta txistulariekin hasten da. Horrela, ‘Diana’ abestuz hasiko da inauteria. Ondotik, 7:30ean puske-biltze edo kuestazioari ekingo diote dantzari eta txantxoak elkarrekin ospeletik. Baserriz baserri arituko dira tarteka inauteri dantzak eginaz. Eguerdia iristean, 13:30inguruan inauteri partaide guztiek kalejira egingo dute, Arrateko zubitik irtenda. Ondoren, denek elkarrekin bazkalduko dute herriko frontoian.

Igandean aldiz, goizeko 12etan dantzariak kalean ibiliko dira puska biltzen gurdi, mozorro eta gainerakoekin batera. Ondoren, Lizartzako inauteri dantzak egingo dituzte Otsolar dantza taldeko dantzariek plazan: paseoa, lehenengoa, bigarrena, seigarrena, ostiko-dantza, etxe-dantza, lau ostiko, azken paseoa, makil-dantza eta brokel-dantza edo pala-dantza. 

Lizartza: Inauteri dantzak 2013 [Bideoa]

Gehiago irakurri

Puska biltzea

Puska biltzea

Noiz: 2019/02/23 08:00
Non: Igantzi

Igantziko gazteak puska biltzean aterako dira herriko etxe eta baserriak trikiti eta pandero doinuekin alaituz. Goizeko 8etan herriko elkartean bildu eta baserri batzuk egin ondotik, herrira itzuli eta falta diren etxeak egingo dituzte. 

 

Gehiago irakurri

Koko-eskea, koko-dantzak eta kokomarruen soka-dantza

Koko-eskea, koko-dantzak eta kokomarruen soka-dantza

Noiz: 2019/02/23 08:30
Non: Eibar

Koko-eskea, koko-dantzak eta kokomarruen soka-dantza Eibarko baserrietan.

Mamarruak, burburixuak, masustak, aixerixak, hartza, Petra eta Maria, Don Eusebio, Kattalin eta Manuela, Batista kojua, Arrateko Ama-Birjina, Martin Perratzailia, sasi-kartia eta koko-dantzariak kuestazioan arituko dira goizean goizetik. Lehen agerraldia 8:30ean egingo dute Merkatu plazan eta ondotik baserrietara abiatuko dira. 

Arratsaldean, 19:00-21:00 bitartean, Toribio Etxebarria, Untzaga eta Kalbeton kaleetan koko-dantzak Mauxitxa txarangarekin.

Eibar zurituta 2015 Koko-dantzak txoriek ikusita [Bideoa]

Gehiago irakurri

Zomorroak, puska-biltzea eta zahagi-dantza

Zomorroak, puska-biltzea eta zahagi-dantza

Noiz: 2019/02/23 08:30
Non: Arano

Inauterien azkenaurreko asteburuan irteten dira zomorroak Aranon. Goizean goiz herriko plazan geratu eta baserriz baserri joaten dira fandango eta arin-arina dantzatuz giro ederrean. Puska biltzea egin ostean, elkartean bazkaldu eta zagi-dantza egin ohi dute arratsaldean. 

Arano: Zomorroak 2011 [Bideoa]

Gehiago irakurri

Dokumentuaren akzioak

Otsaila 2018 »
Otsaila
AlAsAzOgOrLrIg
1234
567891011
12131415161718
19202122232425
262728
« Martxoa 2018 »
Martxoa
AlAsAzOgOrLrIg
1234
567891011
12131415161718
19202122232425
262728293031
« Apirila 2018 »
Apirila
AlAsAzOgOrLrIg
1
2345678
9101112131415
16171819202122
23242526272829
30