EmeHatxe: Sokatik korapilora

*Kezka Dantza Taldearen eskutik

"Kaixo, EmeHatxe naiz:

Arte plastikoa bere osotasunean lantzen dut, dantzaria naiz eta lan zein prozesu esperimentalekin jarduten naiz. 

Nire lanetan Euskal Dantza eta hark ematen dizkidan material (jantzi, doinu, makila...) anitzekin, edota nire emakume gorputzak ematen dizkidan baliabide guztiekin lan egiten dut.

SOKATIK KORAPILORA Gradu Amaierako Lanean aurkeztutako prozesu esperimental sakona izan da. Prozesu honekin bi materialen arteko Euskal Dantza tradizionaleko dantza pieza bat sortzeko nahia eta beharra izan dut. Eskulturak duen materialtasuna zein bolumena, eta nik dantzan sortzen ditudan puntu eta espazioak nahastean, auto-omenaldi bat sortzen dut.  Hori dela eta, autorretratu edota omenaldi bat izango balitz bezalako eskultura eta dantza arteko pieza bat sortzen amaitu dut.

Miren Hazas Azkarate"