Dokumentuaren akzioak
Gazteen Mailako Aurresku Txapelketa Nagusia 2020
Datozen Abenduaren 6an eta 12an, Gazte Mailako II. Aurresku Txapelketa Nagusia -Gipuzkoar erara- ospatuko da, Gipuzkoako Euskal Dantzarien Biltzarrak, Erein Elkarteak eta Sustraiak Dantza Taldeak, Errenteriako eta Legazpiko udalen laguntzarekin, antolatuta.
Abenduaren 6an, goizeko 11:30ean, Errenteriako Niessen Kultur gunean, A sailaren (2010, 2011 eta 2012 urteetan jaiotakoak) eta B sailaren (2007, 2009 eta 2009 urteetan jaiotakoak) txapelketak ospatuko dira.
Abenduaren 12an, arratsaldeko 16:30ean, Legazpiko Latxartegi Aretoan, D sailaren (2005 eta 2006 urteetan jaiotakoak) txapelketa ospatuko da
2019-2020 Aurresku ligan sailkapenaren arabera lortuko da txapelketa hauetan parte hartzea. Saila bakoitzeko ongien sailkatutako ondorengo dantzari kopuruan:
- A saila: 6 dantzari.
- B saila: 12 dantzari.
- D saila: 14 dantzari.
Dantzak
- A saila: Txakolin eta Agurra.
- B saila: Erribera eta Zortzikoa.
- D saila: Ehun dukat, Aurkez aurke eta Agurra.
Epaimahaikideak, Gipuzkoako Euskal Dantzarien Biltzarrak izendatuko ditu.
Dantzariek Gipuzkoako ohiko jantziaz hornitua dantzatu beharko dute.
Sariak
- Saila bakoitzeko 6 sari nagusi banatuko dira:
- Saria: Buruzagi makila eta garaikurra.
- 2., 3., 4., 5. eta 6. Sariak: Trofeoa.
- Gainontzeko dantzariek, oroigarria eskuratuko dute.
- Bestelako sariak:
- D saileko txapelketan jantzi egokienaren saria.
- Liga txapeldunaren sariak ere banatuko dira.
Dokumentuaren akzioak