Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Hamalau apostoluak dantzan

Dokumentuaren akzioak

Hamalau apostoluak dantzan

Donostiako Musika Hamabostaldiak enkargu berezia egin zion Juan Antonio Urbeltzi. Jorge Oteizaren jaiotzaren mendeurrena ospatzeko antolatu dituzten ekitaldien artean, Arantzazun, elizaren atarirako berak egin zituen apostoluen aurrean egiteko dantza emanaldi bat.

"Apostoluen dantza" osatzeko, bi osagai nagusi zituen emanaldia diseinatu zuen Urbeltzek. Lehenik eta behin soka-dantza, eta ondoren, Oñatiko Korpus dantzak. Oñatiarrak, Oñatz dantza taldekoak arduratu ziren Korpus dantzetaz, eta Argia, Duguna eta Kezkako dantzariek osatu genuen soka. Ugarte anaien txalapartak, Andoni Egañaren bertsoek eta Arantzazuko kanpai  hotsek borobildu zuten emanaldia. Ondoren, Arantzazuko elizan bertan Barbara Hendricks soprano estatubatuarraren emanaldia izan zen.
2008-08-27_Arantzazu-Apostoluen-dantza-IZ_1519
Abuztuaren 27an dantzatu genuen "Apostoluen dantza" Arantzazun. Ingurune bereziak, Oteizaren indarrak, Hendricks sopranoaren emanaldiak eta apostoluen dantzarekiko ikusminak erakarrita jendez lepo bete ziren inguruak eta ekitaldi xaloa baina hunkigarria gertatu zen.

Hamalau dantzari, Oteizak egindako apostoluak adina. Eta zergatik hamalau? Bere garaian nahikoa katramila eragin zuen, eta Oteizak berak hainbat erantzun eman zituen horri buruz, baina berak emandakoen artean bat polit askoa: "Gehiago ez zitzaizkidalako kabitzen". Hamalau dantzari beraz, handik eta hemendik etorritakoak. Donostia, Añorga, Baiona, Iruñea eta Eibarko dantzarien artean osatu genuen hamalaukoa.

Jokin Otamendi aurresku eta Garikoitz Otamendi atzesku zirela, Ander Fernandez, Oier Araolaza, Enrike Izagirre, Egoitz Irazabalbeitia, Aritz Ibañez, Akier Perkaz, Xabier Adrian, Jon Iruretagoiena, Unai Urbizu, Joseba Astarbe, Luken Aranburu eta Ekhi Zugastik osatu zuten soka. Jose Miguel Laskurain eta Enrike Montero txistulariak, eta Iñaki Barua atabalariak jarri zioten doinua soka-dantzari.
2008-08-27_Arantzazu-Apostoluen-dantza-FL 007
Irudi ederrak utzi zituen emanaldiak, baina sorpresa handiena biharamunean hartu genuen, Berria egunkariaren azala ikusitakoan.
2008-08-28_Berria-Apostoluen-dantza-portada-rek
Hona hemen Felipe Loyola eta Iñaki Zugastik egindako argazki batzuk, eta bilduma honetan gehiago.
2008-08-27_Arantzazu-Apostoluen-dantza-FL 012 2008-08-27_Arantzazu-Apostoluen-dantza-FL 117 2008-08-27_Arantzazu-Apostoluen-dantza-FL 135 2008-08-27_Arantzazu-Apostoluen-soka-dantza_IZ 203 2008-08-27_Arantzazu-Apostoluen-dantza-FL 145 2008-08-27_Arantzazu-Apostoluen-soka-dantza_IZ 273 2008-08-27_Arantzazu-Apostoluen-soka-dantza_IZ 299

Dokumentuaren akzioak

gari
2008/09/11 23:12
Esaten da, eta askotan "erabilkeriagatik" hitzek esanahia galtzen dute, baina ez da hau kasua: a zer ohorea eta luxua halako tokian eta halako dantzari eta musikariekin aritzea. Momentuan ez dugu horretan erreparatzen, baina argazkiak ikusita konturatzen da bat izan duen pribilegioaz.
Eskerrik asko!!!
aritz
2008/09/12 11:23
Arrazoi duzu Gari,

Ta Nafarroa aldetik hurbildutakoendako are ohore handiagoa. Giroa berezia izan zen. Ez zaigu erraz ahaztuko!

Mila esker gonbidapenagatik, beraz!

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com