Hemen zaude: Hasiera Komunitatea Aurtzaka dantza taldea

Orain arteko ekarpenak

Eusten diogu

2016/09/04

Hamargarrena etorri zaigu dagoeneko, eta hemen gaude indartsu. Iazkoan ehun dantzaritik gora elkartu baginen, aurtengoan eutsi eta gertu ibiliko gara. Ohiko legez, irailaren 10ean ospatuko dugu gure eguna. Orain arte egindako bideak sendotu garela adierazten duela pentsatzen dugunez, aurtengoa...

Gehiago irakurri

Hostoak dantzan ariko dira eta zu barrez begira

2015/09/30

Ahaztezina izango dugu aurtengoa Joseba, ikusi ez bazaitugu ere, gure artean sentitu zaitugulako eta zure bizitza oparoan zehar, garai ezberdinetan, han edo hemen inguruan izan dituzun pertsona askok eta askok elkartzea erabaki genuelako zu gertuago sentitzeko, eta zuk ere gertuago senti gaitzazun....

Gehiago irakurri

Zientoak prest

2015/09/03

Ehun dantzari ezpata-dantzarako eta beste ehun Josebarekin batera dantzatzeko prest gaude Igartzaren inguruan. Jakinarazi genuen moduan, Joseba Juarez Igartzako dantzarion gidaria gogoratuko dugu datorren irailaren 12an Beasainen. Kofradiaren sorreraz gero Josebak buru, oin, beso eta arima eska...

Gehiago irakurri

Joseba gogoan Ordiziako jaietan

2015/07/24

Asteburu honetan ospatuko dira Ordiziako Santa Ana jaien egun nagusiak, eta hauekin batera egingo da Santanazaleen Kofradiaren Esku-dantza uztailaren 27an. Gure lagun Joseba Juarezek lotura berezia gordetzen zuen ekitaldi honekin, besteak beste, urteroko dantzarien maisu eta prestatzailea izaten ze...

Gehiago irakurri

San Joan bezpera osatuz doa urtetik urtera

2015/07/09

Badira urte batzuk neskatxen esku-dantzarekin hasi ginela, xumeki, sua edo alamartxoari lagun egiteagatik,  eta urtetik urtera berrindartuz doaz Beasaingo sanjoan bezpera inguruko ekitaldiak: arbola altxatzea, kantu-jira, ondorengo erromeria... piztutako su ttiki hura bide onetik dijoala ikusteak ...

Gehiago irakurri

Igartza 2015 Josebaren lagun guztiok ospatuko dugu

2015/04/22

Joseba Juarez Igartzako dantzarion gidaria gogoratuko dugu datorren irailaren 12an Beasainen. Ezin bestela izan. Kofradiaren sorreraz gero buru, oin, beso eta arima eskaini zizkion egun honi. Eta ezin du bestela izan. Dantzaria bai, bikaina, baina izaeraz maitagarria eta bere ibilbidea hain zab...

Gehiago irakurri

Agurra ez den agurra

2014/12/13

Albiste oso tristea jaso genuen pasa den urriaren 16ean. Patxi Zurutuzak, gazte gaztetatik eta urte askotan Aurtzaka taldeko dantzaria izandako lagunak utzi egin gintuen. Madrilen bizi zen aspaldi honetan, baina dantzarekiko zaletasuna piztuta mantentzen zuen, distantziatik modu askotara adierazten...

Gehiago irakurri

Elizaren magia Urretxun

2014/11/28

Joan den  irailean ospatu ziren Urretxuko Santa Anastasia Jaiak, eta Lurra dantza-taldeak bertan parte hartzera gonbidatu gintuen: larunbata hilak 20ean lehendabizi, Nazioarteko Folklore Jaialdian, eta igandea hilak 21ean gero, Jaietako Meza Nagusian. Azken urte hauetan, Folklore Jaialdia ospat...

Gehiago irakurri

Joseba

2014/11/08

Ez dakigu zer adierazi. Ez dakigu nola adierazi. Atzo ostiraleroko ensaiorako bidean jaso genuen berri txarra. Urratsik gabe geratu ginen. Joseba Juarez, gure taldeko dantzari eta maisu, Ordiziako tradiziozko maisuen lerro luzeko oinordeko gaztea, Goierri osoan eta haratago, hainbat eta hainbat...

Gehiago irakurri 7 erantzun daude

Handitzen, handitzen

2014/10/02

Joan den irailaren 13an, jendetsu hasi zen gure urteroko ezpaten juntadizoa plazan, Beasaingo kirol elkarteak futbolaren festa baitzuen antolatua bertan. Elkarrekin nola moldatu asmatu bagenuen ere, belarriak zorroztu behar izan genituen hamabietan punttuan erlojuaren kanpaikadak entzuteko. Hori ba...

Gehiago irakurri

Orain arteko erantzunak

Aurtzaka dantza taldea on Gipuzkoako Urrezko Domina emango dio Diputazioak Juan Antonio Urbeltzi

2015/11/17

Zorionak bikote!
Poztekoa da dantzari guztiontzako eta ezagunak zaituztegunontzako.

Aurtzaka dantza taldea on Igartzako ezpata-dantzarien distiran Joseba Juarez gogoan

2015/09/18

Zuek ere honen parte zarete eta izan bedi hamarkada askotarako!
Eskerrak zuei.

Aurtzaka dantza taldea on Non dantzatuko duzue uda honetan?

2015/07/28

Beasaingo Aurtzaka eta Ostadar dantza taldeak Sant Vicenç dels Hors (Herrialde Katalanak)-en izan gara uztailaren 24-26 bitartean, Goierriko Gure Esku Dago-ren ordezkaritza batekin batera. "Castell" antzeko giza-dorre txiki bat egiten ere ausartu gara:
 http://goierri.hitza.eus/2015/07/27/163276/

Aurtzaka dantza taldea on Joseba Juarez Mendizabal, dantzarion agurra

2015/07/24

Josebaren dantza-biografia ahalik eta osatuena egiten saiatu gara eta hemen duzue laburtuta. Inork zuzenketarik edo datu berririk eman nahi izanez gero, eskertuko diogu.

Joseba Juarez Mendizabal
1980-2014


1985. Dantza egin zuen lehen aldiz 5 urterekin, Jakintza eskolan, Aurtzaka dantza taldeko Iñaki García “Mario” irakasle zuela.
 
1986-1989. Dantza klasiko ikasketak egin zituen Beasainen Kontxi Aranburu irakaslearekin.

1989. Dantza sueltoan hasi zen Joxe Juan Ugalde irakaslearekin, eta Juantxo Urbietarekin ondoren, 1998ra arte Villabonako Martin Musika Eskolan.

1991-1994. Dantza solteko hainbat txapelketatan parte hartu zuen, txikien mailan Ane bere arrebarekin.

1993 Ordiziako Jakintza dantza-taldean hasi zen, Nati Garzia irakasle zuela.

1993-1996 Dantza klasiko ikasketak egin zituen Beasainen Kontxi Aranburu irakaslearekin.

1994-1998 Dantza solteko hainbat txapelketatan parte hartu zuen, helduen mailan Ane bere arrebarekin.

1995 Aurtzaka dantza-taldean hasi zen dantzari, Mikel Sarriegiren zuzendaritzapean. 2014 urtera arte, bertako dantzari eta dantza-maisu izan da.

1995 Bere lehen bidaia egin zuen atzerrira Aurtzaka dantza-taldean, Jakintza, Ostadar eta Iztueta taldeekin batera Bretainia eta Galesera.

1995 Jakintza dantza-taldeko irakasle eta arduradun hasi zen.

1995-2004. Dantza solteko irakasle aritu zen, hainbat eta hainbat bikote trebatuz. Baita soinu-zaharren irakasle ere.

1996 Agintarien dantza-sokako laguntzaile eta dantza-maisua Araman, 2003 urtera arte.

1996. "Dantza berriak doinu berriei jarriak" dantza ikuskizunerako "Danza con noivos" eta "Talamanttuna" koreografiak prestatu zituen, Aurtzaka dantza-taldearekin.

1997. Jesus Mari Garate dantza-maisuarekin hasi zen dantzan.

1997 Agintarien dantza-sokako dantza-maisua Itsasondon, 2001 urtera arte.

1997 Agintarien dantza-sokako dantza-maisua Zegaman, 2013 urtera arte.

1997 Agintarien dantza-sokako dantza-maisua Olaberrian.

1998-2000. Argia dantza-taldearekin “Zortziko” eta "Kondharian" ikuskizunetan parte hartu zuen dantzari gisa.

1998-2001. Nahia dantza-taldean aritu zen Jesus Mari Garateren zuzendaritzapean. ETBko "Olentzero Begigorri" programarako "Sagarraren Adarraren" dantzaren koreografiaren arduraduna izan zen Kimetz Larrañagarekin batera.

2000. Ordiziako Santa Ana eguneko meza nagusian Santa Anaren martxa dantzatzen hasi zen 2014 urtera arte (2005 eta 2011n ezik).

2001. Ordiziako Santanazaleen Kofradiako esku-dantzako dantza-maisu lanetan hasi zen, Enrike Lacalle eta Gurutz Ojangurenekin batera, 2014ra arte.

2002 Aurtzaka dantza-taldearen Villafranca de Bonany-ko (Mallorka) bidaia antolatu eta zuzendu zuen.

2003 Agintarien dantza-sokako dantza-maisua Ordizian.

2004 Dantza solteko ikastaroak eman zituen, Idiazabalen eta Beasainen, Izaskun Salazarrekin batera.

2004 "Goierriko" dantzen ikuskizunerako "Erromeria" eta "Inauteriko arin-arina" koreografiatu zituen Mikel Sarriegirekin batera.

2006 Argentinan izan zen Aurtzaka dantza-taldearekin. Hainbat dantza-ikastaro zuzendu zituen bertako Euskal Etxeetan.

2007 Santanazaleen esku-dantzako aurreskua izan zen.

2007 Igartzako Kofradiaren Ezpata-dantzako buruzagi eta dantza-maisu lanetan hasi zen, 2014 urtera arte.

2009 Santanazaleen kofradiako 500. urteurrena antolatzen aritu zen.

2014 Ordiziako Jaietako txupina bota zuen, Amets Bide dantza-taldearen 50. urteurreneko ospakizuna medio.

2014 Aurtzaka dantza-taldeko haur txikien irakasle hasi zen.

Aurtzaka dantza taldea on Joseba Juarez gogoan Biarritzeko San Martin ezpata-dantzan

2014/11/10

Dena ondobidean han izatekoak ginelarik, pozgarria zaigu, eta ziur Joseba berari ere, sentipenez presente egon izana. Mila-mila esker San Martingo ezpata-dantzariei.

Aurtzaka dantza taldea on Arrateko dantzak: hamargarrena

2014/09/05

Zorionak Kezka!
erreferentzia izan zaituztegu talde bat baino gehiagok. Merezitakoa urtebetetzea. Ondo pasa astelehenean eta segi hortxe pixkor pixkor!

Aurtzaka dantza taldea on Zaldikoak, zamaltzainak eta hobby-horse-ak dantza zahar eta berrietan

2013/09/21

Lan polita !
Gure zaldiko berriari ongietorria emateko ezinobea.
Milesker !

Aurtzaka dantza taldea on Nik ere babesten dut dantzan.com

2013/03/05

Guk ere babestuko dugu dantzan.com, baina hala ere ez dugu ematen digun zerbitzu guztia ordainduko.
Animo eta aurrera!

Aurtzaka dantza taldea on Argia Saria irabazi du dantzan.com-ek!

2013/01/25

ZORIONAK EKIPO !!!
EDERRA ETA MEREZITAKOA
Aurtzaka dantza taldea

Aurtzaka dantza taldea

Beasaingo dantza taldea. Izen honekin 1979 urtean sortua, aurretik urte askoan lanean ari ziren "Goierri" eta "Salleko Adiskideak" taldeen elkartzearen ondorio. Gipuzkoako Goierri eskualdeko dantzari eta musikariz osatua. Batez ere gure eskualdeko dantzak lantzen ditugu, herrian bertan usadiozko bihurtu diren hainbat ekitaldi bultzatu eta sustatzeaz gain: soka-dantzak Loinatzetan, Igartzako ezpata-dantza, Sanjoanetako neskatxen esku-dantza, etab. 


Aurtzaka dantza taldea

Garmendia Otaola 9

20200 Beasain

www.aurtzaka.com

aurtzaka@gmail.com