Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Kriskitinek gonbidatuta datoz Mazedoniako dantzariak Durangon saioa eskaintzera

Dokumentuaren akzioak

Kriskitinek gonbidatuta datoz Mazedoniako dantzariak Durangon saioa eskaintzera

Uda Kalean Bizi aire zabaleko kultur programazioa itxiko du Durangon Folk jaialdiaren zapatuko emanaldiak.

Santa Ana plazan, 20:00etan izango da hitzordua, eta Kriskitin herriko taldeak gonbidatuta datorren Mazedoniako taldearen eskutik, Balkanetako folklorearen erakustaldia izango da ikusgai. Kriskitinek eta Mazedoniako Orce Nikolov taldeak parte hartuko dute nazioarteko dantza jaialdiaren XVIII. edizioan.
Komunikabidea
Anboto
Tokia
Durango
Mota
Albistea
Data
2016/07/21
Lotura
Anboto

Mazedoniako Skopje hirian 1945ean sorturiko dantza eta kantu taldea da Orce Nikolov. Balkanetako herrialde hartako herri dantzak, kantuak, musikak eta janzkerak zaindu eta ezagutzera ematea helburu hartuta sortu zuten taldea. Durangon, talde horretako 42 kide arituko dira; dantzariak eta akordeoia, klarinetea, danborra eta biolontxeloa jotzen duten musikariak batuta.

Mazedoniako zenbait eskualdetako hamar dantzen emanaldia eskainiko dute mazedoniarrek Santa Anan. Kriskitinek, bestalde, Nafarroa, Gipuzkoa eta Bizkaiko sei dantza eskainiko ditu. Emanaldiari amaiera emateko, talde bietako dantzariek Luzaideko polkak dantzatuko dituzte elkarrekin.

Aurreko edizioetan bezala, doako sarrera edukiko du Durangon Folk jaialdiaren barruko emanaldiak, eta antolatzaileek aulkiak ipiniko dituzte ikuslegoa eroso egon dadin.

Abuztuan, Tenerifera
Durangoko zapatuko emanaldi horren ostean, Kriskitin dantza taldeko kideak izango dira geure dantzak erakustera bidaian joango direnak. Abuztuan, emanaldi bi eskainiko dituzte Tenerifen: Candelariako nazioarteko folklore jaialdian bata, eta irlaren hegoaldeko El Médano herrian, bigarrena

Dokumentuaren akzioak