Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Euskal Herriko Dantzari Eguna Baionan ospatuko da Betti Betelu gogoan

Dokumentuaren akzioak

Euskal Herriko Dantzari Eguna Baionan ospatuko da Betti Betelu gogoan

2010/03/22 13:39

Urtero herrialde desberdin batean antolatzen da Euskal Herriko Dantzari Eguna, eta iaz Atarrabian, Nafarroan, ospatu ondoren, 2010eko Dantzari Eguna Lapurdin, Baionan ospatuko da datorren maiatzaren 2an.

Betti Betelu gogoan

Aurten 20 urte bete dira Pierre "Betti" Betelu dantza-maisu lapurtarra hil zela eta urteurren horrek markatuko du zalantzarik gabe Baionako festa eguna. Beste  hainbat ekarpenen artean, dantza-jauziak, mutxikoak berpiztu eta gaur egun duten zabalkundearen bidean jartzearen arduradun izan zen Betelu. Ondorioz, antolatuko diren ekitaldiek jauziak izango dituzte ardatz.

Pierre Betelu 1924an jaio zen Arrangoitzen. Oldarra taldean eman zituen lehen dantza urratsak 1944an eta 1953an Bi-harri taldea sortu zuen Biarritzen. 1969tik aurrera Begiraleak dantza taldearekin lan andana egin zuen eta mutxikoak irakasteari heldu zitzaion heriotzak 66 urterekin harrapatu zuen arte 1990eko otsailean.

Dokumentuaren akzioak

Nere
2010/03/24 17:05

Apa! Gipuzkoako dantzak Agurra, zinta dantza eta ezpatadantza izango direla esan digute.

Joseba A.
2010/03/24 01:17
  1. H.-ko Dantzari Egunari buruzko informazio gehiago jaso al du inork? Egitaraua, ordutegiak, dantzak, etab?

Nik dakidanez EDB-kideak ez dugu oraindik inolako informaziorik jaso, eta Aste Santua tartean dagoelarik, eguna gainera datorkigu...

Erantzun

Erantzuna emateko identifikatu egin behar zara, gure webgunean erabiltzaile bat sortuz.