"Dantzari bikaina saria" eskuratu du Eneko Gil-ek Madrilen

A Coruñako Entremans konpainiako Alexis Fernandez eta Caterina Varelak jaso dute Madrileko 22. Koreografia Sariketako lehen saria eta baita ikusleen saria ere. Lehen hiru sariez gain egoitzak, bekak eta laguntzak bideratzeko hainbat aipamen eskaintzen ditu Madrileko sariketak eta horietako batzuk euskal ordezkariek jaso dituzte.

Asier Zabaletaren Ertza konpainiak Galiziako Koreografi Zentroan egoitza bat eskuratu du eta Natxo Monterok berriz Kanarietan, La Gomeran eskuratu du egoitza egiteko aukera. AISGE fundazioak dantzari bikain bati ematen dion saria Ertza konpainiarekin aritu den Eneko Gil-ek eskuratu du. Sari horri esker 2009ko udan, Ipar Karolinan, Duke Unibertsitatean ospatzen den American Dance Festivalen sei astez izateko aukera du, eta baita New Yorken, Movement REsearch-en, MELT tallerretan parte hartzeko beka ere. AISGE Fundazioaren saria da hau eta 3.500,00€ balioa du.

Lehen Saria: Alexis Fernandez eta Caterina Varela. Cía Entremans. A Coruña. "Ven" (Ikusleen saria ere eskuratu du).

Bigarren Saria: Shlomi Bitton. Israel/Madrid. "Celebrate if You can"

Hirugarren Saria: Roberto Martínez Losa, Francisco Torres y Juan Luis Matilla. Sevilla. "Canten ustedesen"

• Aipamen eta sarien zerrenda osoa
• Madrileko koreografia sariketa