Dokumentuaren akzioak
Albisteak
Turkiako dantzen ikastaroa otsailean
Otsaileko lehen asteburuan Turkiako hainbat dantza ikasteko aukera izango da Altsasun. Mahmut Demir izango da irakaslea, egun parisen bizi den dantzaria, musikaria eta konposatzailea. Parte-hartzaileen kopurua mugatua da eta izena emateko epea urtarrilaren 28an bukatuko da.
Hirugarren pitzadura: Idoia Zabaletaren performancea Bulegoan
Bulegoa z/b proiektuaren azken emaitza ikusi ahal izango da ostegun honetan, urtarrilak 13, Bilboko Solokoetxen. Pareta batean islatutako hainbat irudirekin eta musika herrikoiarekin osatu du Azalak ekoiztu duen lan berria.
Artikuluak aurkezteko deialdia: "Dantza tradizionalak tresnekin: makila eta ezpata dantzak penintsulan"
Jentilbaratz. Cuadernos de Folklore aldizkariak aurkezpen epea luzatu eta kontzeptu esparrua hedatu ditu. Interesatuek lanen laburpenak, 10 lerrokoak gehienez, Eusko Ikaskuntzara bidali beharko dituzte 2011ko martxoaren 31 baino lehen. Behin betiko artikuluek 15-20 inguru orriko luze-laburra izan beharko dute eta euskarri informatikoan bidaliko dira 2011ko ekainaren 30a baino lehen.
dantzan.com: 2010eko estatistikak
Ia 130.000 bisita izan ditu 2010. urtean dantzan.com-ek eta ia 400.000tik gora orri erakutsi ditu. Egunero 350 lagunek bisitatu dute dantzan.com. Hona hemen 2010 urtean dantzan.com-ek izan dituen bisitak, eta gehien ikusitako albiste, blog eta bideoen top10 zerrendak.
Ninika Errenterian
EliaralE konpainiak Ninika ikuskizuna emango du ostiral honetan, urtarrilak 14, Errenteria Hiria Kulturgunean. Hiru dantzari izango dira taula gainean, Lorentxa Iturralde,Vivien Ingrams eta Jose Cazaubon. Pantxika Telleriak egin du koreografia eta musika Joseba Irazokik.
Laguntasuna San Bizenteko jaietan
Barakaldoko Laguntasuna dantza taldeak hainbat ekintza prestatu ditu aurtengo San Bizente jaietarako. Datozen bi asteburuetan dantza emanaldiak, erromeriak, kontzertuak eta kantu-saioak egingo dituzte, besteak beste. Hona hemen egitaraua:
Inauteriak martxoko lehen astean
Aurten inauteriak “ohi” baino beranduago izango dira. Hona hemen aurtengo inauterien data nagusiak.
Santa Graziko azken maskarada izango al da?
Laurent Chübürü-ren hitzek hotzikara eragin dute euskaldunen artean. Santa Graziko gazteek emango dituzte maskaradak aurten, baina herrian euskara galtzen ari dela eta, honako hau Santa Grazin antolatzen den azken maskarada izan daitekeela adierazi du Laurent Chübürü Santa-Grazi elkarteko lehendariak.
Zuberoako Maskaraden 2011eko egutegia
Otsailaren 6an abiatuko dira Maskaradak Zuberoan. Aurten Santa Grazik antolatu eta eramango ditu herriz herri maskaradak eta, ohitura denez, Santa Grazin bertan izango dira lehen eta azken saioak. Horra egutegia:
Donostia Kulturaren ekaina arteko programazioa
DonostiaKulturak ekaina arte prestatutako programazioaren barruan, Aída Gómez, Dantzaz Konpainia, Alicia Soto, Belltdance Superstars eta Eifman Ballet konpainia eta taldeen ikuskizunak daude. Ia hilero izango da dantza ikuskizunen bat, eta denak ere Victoria Eugenia Antzokian izango dira.
Dokumentuaren akzioak
